شكله نسوان

by البرق الخاطف Mon Jul 12, 2010 6:06 am

ماتضحك ياكرن كرن... ودي شكله حقيقية .... نخش في السناريو طوالي ...
في وحدة الهجيمه بس .. و فوق كونها كذلك فقد كانت سميكة الجلد وافرة
اللحم كثيفة العظم واسعة الحلقوم كبيرة البلعوم لها جنازير صوتية بدلاً من
الحبال الصوتية .. كانت هذه المرأة (فتوة) فكثيراً ما يلجأن لها نساون الحله ياجني
لها لتأخذ بثأرهن .. بيد أنها كثيراً ما تنفجر إذا شاغلتها إحداهن بكبرحجمها
ف(تغُز) إحدى يديها فى وسطها والأخرى ملوحةً بالمفراكة وتلم ليك فيها ياكاكا نتف شديد
هييييييييييييي وتاني هيييييييييييييييييييييي
ما تقيفى فى الزلط و تتكلمى غلط....
.. نحن نححححححححححححححمد الله الغدا ضأن.. و التحلية برتكان...
...العشا حمام و التحلية شمّام .....و مليانيييييييييييين يا إنتى ...
....لا كوع يقد الوسادة لا ساق يضبح الجدادة ...نحن تربية بيت و فرش
موكيت....
....هيييييههههيييييييييى....
.... حليلكم إنتو يا ناس هلكتلا اوووووو البعرف لي هلكتلا دي تقع وين .... يا الما سمعتو بى السيريلاك ....
....نببببببببرة و نستبرة و ما نسكن جبرة...
...بششششششتنة و الناس متمحنة ...
..أوع من كدا و الدنيا شتا ...
.هيييييييييييييييييييييييى ...
لا كرعينا رقاق و لا مولودين فى زقاق ..
أولاد عوااااااااايل و عندنا فايل ....
ولدونا فى الإمتداد و حبّينا فى البلاط ..
.نححححححححححححمدو..... البنريدو بنولع ليو اللمبة.. و الما بنريدو بنحرش ليو
الكلبة !! ههههههييييي كرن كرن
.. عشان كدا أعملى لاين و أقيفى بهايند.... و أفهميها... أعملى شخيط و
اقيفى بعيد ..
سجم و كمان عدم فهم ؟!!
...هييييييييييييييييى و تااانى هييييييييييييى و تانى و تانى
هيييييييييييييييييى.... جني جني جني
ما تكبى الريحة و تعملى تفتيحة و تخلينا نقيف ليك فى طرف المعلقة و نوريك
الصعلقة ..... (ياحرروكة والله كان لمت فيك الزوله دي تخلي رحتك طير طير )
كان جبل طلعناو و كان عسل لحسناو ..
هووووووووووووى.... تنبزينى أنا يا كرور يا وسخ الخور !!.. يا تربيزة الجزارة
يا اللامّة الوسخ و الزفارة !!
بطااااااااطس و مستوى غااااااتس ....
هييييييييييييييييييى
أخير ليييييك فتحى عينك قدر الريال و خلّى أضانك قدر العقال ...
ما تخلينى أدق الصفايح و أطلع الفضايح ....
يا مرة يا مجنونة يا شبه حجر الطاحونة ...يا ليمونة و عاملة ........ !!!
... هيييييهييييييييييييييييييييييي ....
غادى غادى الجزام بعادى ...
.. يا الككوية يا أم جضوماً موية ........ ااووووووو
...الشمس ضربتك و الرجال أبتك ....
حقيقة دي بعض المصطلحات السوقية السودانية الحفظناها حتي نامن شر هذه النوعية .....
يارب يارب وحده من النوع داء تلم في واحد اخونا كده هو عارف نفسو قول اميييييييين
وماتعمل لينا كرن كرن ...

by **mandible** Mon Jul 12, 2010 6:29 am

والله انا لو خليتك
حاج احمد ما بخليك
ياجني الفاظ السوق دي من وين؟؟؟؟؟؟؟؟؟؟؟؟؟؟؟؟

[You must be registered and logged in to see this image.]

by البرق الخاطف Mon Jul 12, 2010 7:31 am

والله انحنا بنؤمن انو الواحد لازم يكون مطلع علي كل اللغات(الكلام السوقي والشوارعي وكمان الرندوك) الفي المجتمع الهو عايش فيهو ... والشيخ المغفور له باذن الله محمد سيد حاج كان ناجح لانو بخاطب الفئات بلغاتم وكان بقول كلام انت تستغرب منو زاتو .... وتقول الزول ابو دقن داء جاب الكلام داء من وين ...وكمان تديها ضحكه هههه والله الشيوخ وابان دقون ديل طلعو ماساهلين .... والكلام داء موجود عند الناس البحاولو يكون قريبن من المجتمع وذلك بغرض الاصلاح والنصح ومعرفه الي اي درجه وصل هذاء المجتمع وعمل الدراسات والخطط اللازمه للمعالجات واخذ الحيطه والحذر ...
انت قال ليك اي زول يعرف المصطلحات والكلام داء معناهو انو شرامي ولا شنو ...... ولا كركدي وانت ماعرفت لي ...
هوووي ناس .... ديل خطيرين .... عشان كده اعمل شخيط واقيف بعيد .....

كرن كرن

by ahmed Mon Jul 12, 2010 1:55 pm

mandible wrote:والله انا لو خليتك
حاج احمد ما بخليك
ياجني الفاظ السوق دي من وين؟؟؟؟؟؟؟؟؟؟؟؟؟؟؟؟

[You must be registered and logged in to see this image.]

واللة زولك دى حيرنا شنو مرة شمارات ومرة شكلته نسوان قصتو شنو مع الشين دي
كدي نعطيه هدية من شعر ود بادي لكن أنا خائف يقول دي فظييييييييييييييييييييييييييييييييييييييييييييييييييع

هوي يا وليد يادلوعه يامرعنة

أعدل أيدك المفدوعه وأتلحلح واقيف دغري.........

وهات صدرك مع صدري .........

عشان فطموك بعد مازدت فوق سنتين........

وفى سن عشره كان نومك على الأيدين ..........

أبوك سمين وقلبه سمين وجيبه سمين ..........

فاتحلك حساب فى البنك والتأمين ..........

عشان ياأنت مابتدري .........

سجل أبواتك البدري ..........

سماك الباكي مجده الزال .........

ياماكانو تحته رجال ...........

أبو خنجر وأبو شوتال ...........

وأبو صقراًً بجيك خوجال.......

كانو مكسيين كمال وجلال ........

لكن الزمن أسرع ............

وسيفهم بلحس الفقره .......

وماكان بيرضو يالحُقره ........

.................................................. ...................................

by **mandible** Mon Jul 12, 2010 7:40 pm

انت يا حاج احمد شكلك لاوزتا وذكرتني الحكم بتاع كاس العالم
المباراه النهائيه عمل رايح في بعض الاخطاء

فهي اصلها : يا دلوعه يا مرنوعه
وانا والله العظيم ما عارف معناها شنو
فهلا تكرمت

by البرق الخاطف Tue Jul 13, 2010 2:20 am

[b

]انتو اخونا حاج احمد داء لمت فيهو حنكوشة في الجامعة سخرت منو ولا شنو ...
شايفو حافظ جزء من درش بادي في جامعة الخرطوم ايام الطلبه ... وقت كان جاي من الريف ... ( وللعلم بادي سخر منو حنكوشه يعني ولد ) خلي بالك اخونا حاج احمد داء وقت كان بقراءة في الشكلة اعلاه عادت به الايام ... ( وبرلمو ودرشو ... والباقي خلي ... في حاجات تانية حامياني والله حزينه ... وتتبسم وانا معثم ياجني )
والكلمه التي تبحث لها عن معني ياجني وبختصار شديد وبالدارجي ولغة اليوم تعني ( مرطب )
وانتو المنطقه المذكوره في الشكله اعلاه ماعرفتوها ولاشنو ؟؟؟ [/b][rand][/rand][flash][/flash]

by ELMEK NIMER Mon Sep 06, 2010 3:30 pm

دى شكله بتاعت ستات شاى فى السوق الشعبى

by **mandible** Mon Sep 06, 2010 3:53 pm

ELMEK NIMER wrote: دى شكله بتاعت ستات شاى فى السوق الشعبى

هلا هلا مرحب والله بالمك نمر
خلي بالك كلك ( كاكا و احمد و البرق الخاطف وانا ذاتي كمان وكلك و ........ )
المك نمر جاااااكم واعملو حسابكم وشكل النسوان ده خلوهو )

by ahmed Mon Sep 06, 2010 4:44 pm

ELMEK NIMER wrote: دى شكله بتاعت ستات شاى فى السوق الشعبى

يعني نفهم أنو البرق الخاطف صبى تابع ستات الشاى واللة عامل فيها الرمة وحراسة

by **mandible** Mon Sep 06, 2010 5:17 pm

ahmed wrote:
ELMEK NIMER wrote: دى شكله بتاعت ستات شاى فى السوق الشعبى
يعني نفهم أنو البرق الخاطف صبى تابع ستات الشاى واللة عامل فيها الرمة وحراسة

خش يابرق _____________________

(لا ابري نفسي ان النفس امارة بالسوء )

by البرق الخاطف Wed Sep 08, 2010 5:09 am

ياجني حمد لله علي اكتمال مراحل النمؤ في الصور الجانبية ... من قرد صغير الي قرد كبير شوية وكمان بنظاره وبعده نمؤ سريع جدا الي الصوره الاخيره

by **mandible** Wed Sep 08, 2010 8:24 pm

البرق الخاطف wrote:ياجني حمد لله علي اكتمال مراحل النمؤ في الصور الجانبية ... من قرد صغير الي قرد كبير شوية وكمان بنظاره وبعده نمؤ سريع جدا الي الصوره الاخيره

والله فكره حلوه وجميله
بس شكلك كملت الحمير وقبلت علي القرود
كرن كرن الحمار لاتضربو الواطه

by ahmed Thu Sep 09, 2010 2:25 pm

البرق الخاطف wrote:ياجني حمد لله علي اكتمال مراحل النمؤ في الصور الجانبية ... من قرد صغير الي قرد كبير شوية وكمان بنظاره وبعده نمؤ سريع جدا الي الصوره الاخيره

ماعلاقة الصورة بالموضوع الأصلى؟

by **mandible** Thu Sep 09, 2010 5:18 pm

ahmed wrote:
البرق الخاطف wrote:ياجني حمد لله علي اكتمال مراحل النمؤ في الصور الجانبية ... من قرد صغير الي قرد كبير شوية وكمان بنظاره وبعده نمؤ سريع جدا الي الصوره الاخيره

ماعلاقة الصورة بالموضوع الأصلى؟

خلي كرن كرن يقول لينا
لكن والله ناقصه شعر بس
حقو يا احمد تتمها وخلاص

by ELMEC NIMER Thu Sep 09, 2010 6:08 pm

لم أتمكن من الرد يا برق يا خاطف ولكن قمنا بقرأة النص العجيب وخرجنا بان هذه المكالمه ما هى إلا شكلة ستات شاى فى السوق الشعبى وأنفض سامر الشكله بتدخل الاخوه الأجاويد المكنيكيه ولم تكن هناك إصابات

by **mandible** Thu Sep 09, 2010 6:29 pm

ELMEC NIMER wrote:لم أتمكن من الرد يا برق يا خاطف ولكن قمنا بقرأة النص العجيب وخرجنا بان هذه المكالمه ما هى إلا شكلة ستات شاى فى السوق الشعبى وأنفض سامر الشكله بتدخل الاخوه الأجاويد المكنيكيه ولم تكن هناك إصابات

انت يا اخونا البهائم الوراك دي تبعك ؟

by **kaka** Thu Sep 09, 2010 10:30 pm

سلام شباب
عندي بعض الاستفسارات لبعض الاعضاء لكن في البدء نرحب بالعضو الجديد المك نمر
يا ماند علاقة بالقرود شنو ؟
يا المك نمر صورتك جميلة لكن خلف الصورة في شنو ؟
اما اخونا كرن كرن مشكلتو مع الحريم شنو مرة شمارات ومرة شكلة ؟

by **mandible** Sun Sep 26, 2010 7:22 pm

kaka wrote: سلام شباب
عندي بعض الاستفسارات لبعض الاعضاء لكن في البدء نرحب بالعضو الجديد المك نمر
يا ماند علاقة بالقرود شنو ؟
يا المك نمر صورتك جميلة لكن خلف الصورة في شنو ؟
اما اخونا كرن كرن مشكلتو مع الحريم شنو مرة شمارات ومرة شكلة ؟

ما الحريم بس
شقلبها وتفهم

by البرق الخاطف Tue Sep 28, 2010 6:18 pm

اليرفسك قول امييييييييين

by **mandible** Tue Sep 28, 2010 10:35 pm

البرق الخاطف wrote: اليرفسك قول امييييييييين

اليرفسني والتضربو
بس لا تضربو الواطه

by البرق الخاطف Wed Sep 29, 2010 3:28 am

جني طبعا الايام دي معزور ياجماعة انا عارف العليهو .... سمكين والله

by Basheer Mon Oct 11, 2010 1:47 am

البرق الخاطف مختفي خالص

by ahmed Fri Oct 15, 2010 10:40 pm

Basheer wrote:البرق الخاطف مختفي خالص

يا بشبش ورينا سر الصورة
وحلاوة المحنة لمن تقاليد زوله

by **kaka** Mon Oct 25, 2010 11:04 pm

يا بشير الصورة دي بعد زيارة نجيريا ولا قبل الزيارة ؟

by **mandible** Tue Oct 26, 2010 2:16 am

kaka wrote: يا بشير الصورة دي بعد زيارة نجيريا ولا قبل الزيارة ؟

وييييين يا حبايبنا ناس الخلا
بشير دا عارفكم مسخنين قال يرحمكم من صور القرود شويه
البرق الخاطف
الموج الازرق
احمد
المك نمر
كاكا
مايرنو

شكله نسوان

شكله نسوان

Re: شكله نسوان

تعقيب

Re: شكله نسوان

Re: شكله نسوان

تعقيب

ستات شاى

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان

Re: شكله نسوان