منتدي نجم السودان
د.نجم الدين علي ياسين
يتمني لكم اقامه طيبه داخل صفحات المنتدي
ارجو التسجيل معنا حتي تتمكن من الاستمتاع بكل المزايا
منتدي نجم السودان


ونسه سودانيه خالصه

Go down

ونسه سودانيه خالصه

Post by ELMEC NIMER on Mon Dec 20, 2010 2:14 pm

=blue]24[center]]أسماؤنا السودانية القديمة الأصيلة، كان من الصعب بل المستحيل بأن تأتي لها باسم دلع، فمهما بلغت براعتك فلا يمكنك أن تدلّع أسماء مثل: بلة، الطريفي، أب جيبين، التجاني الخزين، عجبين، الزبير، أب كساوي، الصديق، فضل المولى، فتح الرحمن، عبد الجبار، البشير،عكاشة، الجنيد، تيراب، الريّح، الماحي، حمد النيل، حسب الله،حسب الرسول , جبارة الله، أب سقرة، البي كيفو، تميم الدار، جبر الدار، عمسيب الجاك، الجزولي باشكار ,وغيرها..



عليْ النعمة تحاول تدلع أي واحد من الأسماء الفوق ديل إلا ضهرك كع ينكسر، لأنها أسماء قوية زي الخرسانة... أسماء مضببة ضد التدليع زي العكاكيز.. أسماء أهلنا زمان أسماء رجال وما في أي طريقة لتمييعها أو تدلعيها،



حتى النسوان عندنا كان أسماهن صلبة ومحتشمة، وتنافس أسماء الرجال! في قوتها وخشونتها، فنلقى أسماء مثل ست النفر، الساتر الله، أم حقين، البتول، سكينة، التاية، نفيسة، النخيل، أم زين، بت الجقمتها وغيرها، والواحدة حتى لو أهلها كانوا متحررين، بالكتير يسموها الصندلية، ومع ذلك ما تقدر تشوفها أو تشم ريحتها، النسوان كانن بنات خدور...



والراجل ذاتو بيكون معجب باسم أمو المحتشم وتلقاهو يحلف بيهو في الصغيرة والكبيرة فنسمع: أنا ولدك آآآ ام زين .. أنا ولدك آآآ البخيتة.. هسه أولاد الزمن ده يقولوا شنو ويحلفوا باسم منو.. معقول الواحد يقدر يقول: أنا ولدك يا عبق أو أنا ولدك يا رنا؟



أهلنا الكبار الزمان كانوا ما بعرفوا الني وكل شيء عندهم نجيض. الني بدوهوا النار..



عليْ الطلاق تنطق الاسم كده لما شعرة جلدك تكلّب، وتتنفخ وجضومك تتورّم من العجب والخيلاء بهذه الأسماء


أب كريق في اللجج
سدّر حبس الفجج
عاشميق حبل الوجج
أنا أخويا مقلام الحجج


أبشر آ جنا .. حررّم تبشر.. أبشر آ جنا التقدْ مركوبك..



مش زي أسماء الأيام دي، شدة الأسماء ما بقت مايعة تقررررّب تخت الاسم في التلاجة عشان يجمد ويبقى اسم رجال.



شوفوا الأسماء دي: وائل، وضاح، وحيد، وليد، وديع، ربيع، تامر، لؤي، راني، هاني، نادر، حمادة، طلال، أيمن، مهند، وفائى, رامى , إيهاب وغيرها..



والأسماء دي رغم مياعتها لكن الناس برضو دلعوها، فحصل ليها ما يعرف في اللغة بتمييع المايع وهو محرّم لغوياً فسمعنا ب: هنو، ولي، ، تموري، عموري، ندوري، أيموني، هنودي، هوبة وغيرها من الأسماء المايعة الما شادة حيلها...



وكذلك غناهم كان غناء رجال وأصواتهم كانت أصوات رجال،



كان المغني يغني الليل كلو بدون مايك وصوتو تلقاهو زي الجبخانة

يا ليل أبقالي شاهد على نار شوقي وجنوني


وناس زمان ديل حتى كعكهم كان كعك رجال.. تدخل الكعكة في خشمك كده لما يغلبك تلوكها وتقعد تقرقش فيها كُرُم كُرُم زي الخروف القاعد يصقع في الجرة. والآن جابوا لينا الكعك المايع بشتى أنواعو تدخل القطعة في خشمك تجي تلوكها تلقاها عملت (سواح) وما تعرف ! نفسك هل أكلتها ولا ما كانت في قسمتك..[/
center]
[/size]
avatar
ELMEC NIMER
جني نشط
جني نشط

عدد المساهمات : 24
نقاط : 48
السٌّمعَة : 5
تاريخ التسجيل : 2010-09-06

View user profile

Back to top Go down

Re: ونسه سودانيه خالصه

Post by kaka on Tue Dec 21, 2010 8:51 pm

سلام
والله يا المك نمر موضوعك جميل لكن الاسماء القلته مامكن تدلع عادي مثلا التجاني تتوجي وبلة بلولي و الخزين خزوني...... وهكذا , ناس الزمن ديل مافي حاجة صعبة , بس المشكلة الجنوب ماينفصل ؟ !!
avatar
kaka
مشرف منتدي المنوعات
مشرف منتدي المنوعات

عدد المساهمات : 99
نقاط : 152
السٌّمعَة : 15
تاريخ التسجيل : 2010-05-03

View user profile

Back to top Go down

Back to top


 
Permissions in this forum:
You cannot reply to topics in this forum