عينة بول

معاويه wrote:مرة واحد كان ماشى فى الشارع وداس على قشرة موز ‎ ..
وطار وقع ع الارض وإتعور فى كوعه
راح لأقرب دكتور.. ولما دخل العيادة ‎ ....
قال للممرضة: أنا وقعت على ايدي وتعورت فى كوعي! وعايز اشوف الدكتور!
قالت له الممرضة: عايزين عيّنة من البول
الرجل استغرب وقال: ليه عينة البول!!.. وإيه دخل البول بكوع ايدي!!؟؟
الممرضه إتنرفزت وقالت:
براحتك!!بس لازم عينة بول عشان تدخل على الدكتور.. هذا النظام
مفيش بول .. يعني مفيش دكتور!
الرجل.. سلّم امره لله وقال ماشى مفيش مشكلة.. وجاب لهم عينة البول وسلموها للدكتور.
وبعد شوية نادى الدكتور عليه .. و لما شاف المريض ابتسم وقال:
واضح ان الضربة قوية .. بس إطمئن كوعك سليم ومفيهوش كسر!
المريض استغرب إزاى عرف الدكتور وقال: أكيد الممرّضة قالت لك !! ‎
قال الدكتور: لا أبدا
‎ .. تحليل البول هو اللي يبين كل شيء ‎ ....أنا عندي جهاز جديد لتحليل البول بالكمبيوتر ‎
‎ خذ المرهم ده وادهن منه كوعك وبعد اسبوع راجعني ولا تنسى تجيب عيّنة البول معاك
الرجل راح بيته وفي راسه الف سؤال... مستغرب من الاختراع الجديد
وقال لأولاده عن الموضوع وقعدوا يضحكوا عليه ويقولو له ان هذا نصب دكاتره
ومفيش حاجة اسمها تحليل بول بالكمبيوتر
بعد اسبوع الرجل .. كوعه خف تماما وقرر يروح للدكتور
بس واحد من أولاده اقترح عليه انهم يعملوا مقلب فى الدكتور ويكتشفون النصب والاحتيال ‎
قام الولد وأخذ عينة من بوله على عينة من بول اخته على عينة من بول ابوه وحط عليهم شوية من زيت سيارة ابوه وقال:
خلينا نشوف النصاب,هيعمل ايه؟؟
الرجل اخذ ( البول الكوكتيل ) وراح للممرضة وأعطاها عينة البول !!!وقعد ينتظر
وبعد نص ساعة تقريباً طلع الدكتور عرقان وماسك ورقة طويلة ‎ ...
قام الرجال وسأل الدكتور وهو يضحك ها طمنى يا دكتور إيه اخبار التحليل !!؟؟
‎ جاوبه الدكتور:واضح ان كوعك اصبح تمام التمام
بس في شوية نتائج غريبة!!؟
ولدك مدمن هيرويين
.. وبنتك حامل
وسيارتك محتاجة تغيير بوجيهات